Полезные ссылки

МЗ РБ

УЗО Витебск

Ушачский РИК

телефонная Детская линия помощи

8-801-100-1611

Дыягназ як на далоні

         Пераднавагоднія дні сталі знакавымі для Ушацкай цэнтральнай раённай бальніцы. У будынку паліклінікі пачаў сваю работу сучасны рэнтгенкабінет. Грошы на яго ўладкаванне – а гэта звыш 150 тысяч рублёў – выдзелены з абласнога бюджэту. А новы стацыянарны лічбавы рэнтгеналагічны апарат “Уніэксперт 3 плюс” коштам каля 250 тысяч атрыманы па цэнтралізаванай закупцы Міністэрства аховы здароўя Рэспублікі Беларусь.

     Як патлумачыў галоўны ўрач Ушацкай ЦРБ С.А.Маісееў, з дапамогай такога абсталявання можна праводзіць рэнтгеналагічнае даследаванне костак, органаў грудной клеткі і брушной поласці, пазваночніка, суставаў, зубоў. У рэжыме рэальнага часу пад рэнтгенаўскімі прамянямі можна правесці скапічнае даследаванне стрававода, страўніка, а таксама ірыгаскапію кішэчніка. Апарат дазваляе таксама зрабіць тамаграфію. “Па-сутнасці, гэта лепшы ў рэспубліцы апарат у сваім класе, – адзначыў Сяргей Анатольевіч. – Пахваліцца такім могуць далёка не ўсе ўстановы аховы здароўя нават абласнога ўзроўню”.

      Мы аднымі з першых наведалі новы рэнтгенкабінет пасля праведзеных будаўніча-мантажных работ, устаноўкі абсталявання. Убачанае, сапраўды, уразіла. Хочацца спадзявацца, што цяпер дыягностыка захворванняў у раёне стане максімальна дакладнай, а нашы жыхары будуць атрымліваць больш якасную медыцынскую дапамогу.

 

К.КАВАЛЕЎСКАЯ.

 

html counterсчетчик посетителей сайта

Нас посетили